Kayd casharro



BANGIGA CASHARRADA

Waxaan boggan ku ururinayaa casharro la xiriira barashada afka Soomaaliga oo aan is leeyahay carruurta ku hadasha af-soomaaliga ee dhigata dugsiyada hoose/dhexe ee ku dhaqan dalkan Iswidhan, way ka faa'iidaysan karaan, marka laga eego dhinaca akhriska, qoraalka, fahamka dhagaysiga, cilmiga bulshada iyo weliba barashada naxwaha afka Soomaaliga oo aasaasi ah.

Waxaan ugu baaqayaa barayaasha afka hooyo inay ila wadaagaan macluumaadka uu boggan xambaarsan yahay, iyaguna ay igala qaybgalaan ururinta casharro af Soomaali ah, iyaga oo ii soo diraya wixii casharro ah oo ay hayaan ama heli karaan.


 Waad mahadsan tihiin.
Macallin Rashid Cabdi Muuse, Uppsala.
______________________________________________________

NAXWAHA AFKA SOOMAALIGA


1. Casharka 1aad:     CODADKA IYO QAYBAHA HADALKA

2. Casharka 2aad:     MAGACYADA Q.1aad

3. Casharka 3aad:     MAGACYADA Q.2aad

4. Casharka 4aad:     MAGAC-U-YAALLO, Magac u yaal QOF

5. Casharka 5aad:     MAGAC U YAAL TILMAAME/TUSMO

 6. Casharka 6aad:     MAGAC U YAAL LAHAANSHO

 7. Casharka 7aad:     MEELEEYE

 8. Casharka 8aad:     XARFAHA LABANLAABMA 


______________________________________________________





Inga kommentarer:

Skicka en kommentar

Prenumerera på: Kommentarer (Atom)

Farriin ku socota waaliddinta...

Assalaama calaykum!
Waxaa dhammaan waalidiinta la wargalinayaa in maamulka dusiyada ee degmada Uppsala uu go'aamiyey in laga billaabo 8/1/2014, oo ah billowga xilliga waxbarasho ee guga ( vår termin - 2014), ay billaabi doonaan barayaasha dhiga afafka qalaad, oo uu ka mid yahay afka Soomaaliga, in ay khasab ku tahay inay diiwaan galiyaan maqnaanshaha ardayda, iyada oo la adeegsanayo bogga internetka ee SKOLA24, sida ay sameeyaan macallimiinta kale ee dhiga maaddooyinka kale ee caadiga ah.
Waa markii ugu horraysay ee ardayda dhigta maaddada afka hooyo (modersmål ) ee dugsiyada hoose/dhexe ee hoos yimaada maamulka degmada Uppsala, lagu qorayo maqnaanshahooda bogga SKOLA24. Ardayda dhigata dugsiyada aasaasiga ah sida gaarka ah loo leeyahay, barayaasha afka hooyo ayaa si gaar ah u qoraya maqnaanshahooda.
Si aad ula socoto maqnaanshaha ilmahaaga, waxaad la xiriiri kartaa dugsiga uu ilmahaagu dhigto, adigoo weydiisanaya macluumaadka aad ku geli karto boggaas (inloggnings uppgifter till skola24)
Bogga aad geli karaysaan waa:
https://uppsala.skola24.se/
Isla boggan ayaad geli kartaa marka ilmahaagu xanuunsan yahay ama aad doonayso inaad fasax u qaaddo, sida maalmaha ciidaha oo kale iyo wixii la mid ah, si aad dugsiga u wargeliso in ilmahaagu maanta xanuunsan yahay ama fasax u weydiiso maamulaha/macallinka fasalkiisa.
MAHADSANIDIIN
Barayaasha afka hooyo ee Uppsala .
------------------------------------------------------
Assalaama calaykum!
Salaantan dabadeed, waxaan idin wargalinayanaa inaad haatan fursad u hesheen aad noogu soo gudbin karaysaan wixii fikrad ah ee la xiriirta waxbarashada iyo guud ahaan xaaladda aqoonta ee ilmahaaga, dhaliil iyo ammaanba hadba waxay noqoto si aan annaguna horey ugu tallaabsanno, annagoo isku dayayna inaan wax ka qabanno hadba wixii cabasho soo korodha.

Fadlan waxaad ogaataan in talooyinkiinna iyo fikradihiinnu ay qiimo weyn noogu fadhiyaan, sidaa darteed ha ku bakhaylinina!

Mahadsanidiin/Barayaasha afka hooyo, Uppsala.